X 光檢查係確認寵物有無懷孕嘅一個極佳工具。一般嚟講，胎兒嘅骨骼要到配種後大約 38-40 日先會開始鈣化（變硬），所以如果太早照 X 光，未必可以見到 BB 嘅影。
🆗 X 光可以話畀我哋知：
- 胎兒數量：準確計算有幾多隻 BB，呢點對生產時有無「生剩」好重要。
- 胎兒大細：觀察 BB 嘅頭部大細。
- 產道評估：睇吓媽咪嘅骨盆結構有無異常，或者 BB 會唔會太大隻，導致難產而無法順產。
❎ X 光無法話畀我哋知：
- 準確嘅懷孕週數：難以精確推算預產期。
- 胎兒活性：見到骨骼鈣化並唔代表 BB 仲生存緊。X 光係靜止圖像，我哋睇唔到 BB 嘅心跳。
好彩我哋仲有其他工具，例如超聲波 (Ultrasound)，可以彌補 X 光嘅不足，檢查 BB 嘅健康狀況同心跳。
病例分享
喺呢個個案入面，X 光片清楚顯示出有兩隻胎兒 🚼🚼。圖中亦附上咗佢哋出世之後同媽咪一齊嘅溫馨合照！😻